Advertisements
Wararka

Kumaandooska Somalia iyo ciidamo Mareykan ah oo Al-shabaab kala wareegay Mubaarak…


Ciidamada Kumandoska Soomaaliya oo ay wehliyaan kuwa Maraykanka ayaa saaka weeraray degaano ka tirsan gobolka Shabeellaha hoose oo ay maamulayeen Al-Shaabab.

Howlgalladaas ayaa waxaa la sheegay iney ciidamadu kula wareegeen Degaanka Mubaarak ee gobolka Sh/hoose halkaasoo ay gacanta ku hayeen dagaalyahano ka tirsan Al-Shabaab oo halkaas isaga baxay iyagoo aan sameynin iska cabin adag.

Sidoo kale wararka ayaa sheegaya in xiisado dagaal ay ka jiraan degmada Aw-dheegle oo ay gacanta ku hayaan Al-shabaab, iyadoo ciidamada dowlada iyo kuwa Maraykanka ee taageeraya ay halkaas ku wajahan yihiin.

Saraakiil ka tirsan ciidamada xoogga dalka Soomaaliya ayaa waxay sheegeen in Al-Shabaab ay goordhow isaga baxeen degaanka Doon-buraale oo hoostaga degmada Qoryooley.

Ciidamada dowlada ayaa la soo sheegayaa iney haatan baaritaano ka wadaan degaanka Mubaarak, iyagoo baadi goobaya xubno ka tirsan Al-shabaab oo ay tuhunsan yihiin iney gudaha degaankaas ku dhuumanayaan.

Shabakada Wararka
hagaag.com
info@hagaag.com

Advertisements
About Admin (3821 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: