Advertisements
Wararka

Askari Mareykan ah oo xero militari kala soo baxsaday gaari gaashaaman…


Ciidanka Booliska Maraykanka ayaa saacado eryanayay askari ka tirsan militariga Maraykanka oo xero kala soo baxsaday gaari gaashaaman.

Arrintan ayaa waxa ay ka dhacday magaalada Richmond, halkaasoo baacsashada ay ka qeybqaateen boqolaal gaadiidka booliska oo iyaga oo bikaacinaya leerarka, dhawaaqna yeerinaya saacado kadib ku guuleystay in ay soo xiraan ninkii falka gaystay.

Ma jiro qof ku dhaawacmay arrintan, balse dadkii magaalada ayaa aad ula yaabay waxa dhacay.

Afhayeenka booliiska Keeli Hill ayaa shir jaraa’id ka sheegtay in gaariga uu ku socday xawli sare, balse markii dambe ay ku guuleysteen in ay xiraan ninka oo la aqoonsaday in uu askari yahay.

Lama sheegin sababta ku kaliftay falkan iyo waxa uu damacsanaa askarigan balse booliska ayaa sheegay iney wadaan baaritaano arintan la xiriira.

Shabakada Wararka
hagaag.com
info@hagaag.com

Advertisements
About Admin (4054 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: