Advertisements
Wararka

Iran ayaa sheegtay in howlgal ciidan ay ka fuliyeen gudaha Somalia kuna furteen afar…


Wasiirka Sirdoonka ee dalkaasi, Mahmoud Alavi ayaa sheegtay inay Ciiddankiisa qaadeen Hawlgal ka fuliyeen gudaha Somalia, kuna soo furteen 4 Kalluumeysato Iiraaniyiin oo afduub loo haystay tan iyo sannadkii 2015-ka.

Wasiirka waxa uu Suxufiyiinta u sheegay mar uu Kulan la yeeshay Kalluumeysatada la sheegay in Afduub loogu haystay Somalia, wuxuuna carrabka ku dhuftay inay ilaalo dhinaac Sirdoonka ah ku haayeen Badmaaxiintaasi, tan iyo markii ay Burcad-baddeeda afduubteen sannadkii 2015-kii.

Wasiirka Sirdoonka ee dalkaasi, Mahmoud Alavi waxa kale oo uu sheegay inuu Madaxweynaha Iiraan, Xasan Ruuxaani bixiyey Amarka ay Ciiddanka ka socda Wasaaradda Amniga Iiraan ku fuliyeen Hawlgalka ay 4-ta Kalluumeysato kaga soo badbaadiyeen Somalia

Afarta Kalluumeysatada Iiaraniyiinta ee la sheegay in laga soo furtay Burcad-baddeeda waxaa magacyadooda lagu kala sheegay: Mascuud Baluuji, Axmed Baluuji, Aadam Baluuji iyo Shermad Tabax Zeer.

Bishii October 18-dii ee saannadkii hore, Agaasimaha Ururka Kalluumeysatada Iiraan, Caalim Afshar waxa uu sheegay in tirada Kalluumeysatada Iiraan ee ay Burcaad-baddeeda afduubka u haysato ay gaarayeen 44 Kalluumeysato.

Shabakada Wararka
hagaag.com
info@hagaag.com

Advertisements
About Admin (4054 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: