Advertisements
Wararka

Dowlada Itoobiya oo ka hadashay isbadalka ka dhacay dhulka ismaamulka Soomaalida…


Dowladda dhexe ee Itoobiya ayaa faah faahin ka bixisay waxa soo dadajiyay isbadalka ka dhacay dhulka Ismaamulka Soomaalida Itoobiya, kaddib markii tallada deegaanka laga wareejiyay Cabdi Maxamuud Cumar oo hadda ku jira gacanta dowladda Itoobiya.

Wasiirka Warfaafinta dowladda federaalka Itoobiya Axmed Shide ayaa sheegay in maamulkii Cabdi Maxamuud Cumar ee ka arriminayay dowlad deegaanka Soomaalida Itoobiya uu si is daba –joog ah isaga dhaga-mariyay fariimo kala duwan oo uga imanayay dowladda dhexe federaalka Itoobiya, gaar ahaan Ra’iisal wasaaraha cusub Abiy Ahmed oo ku dadaalay ayuu yiri in dowlad deegaanka Soomaalida Itoobiya uu ka hana-qaado is badalka guud ahaanba uu dalku gallay.

‘’Waad og-tihiin safarkii uu ra’iisal wasaare Abiy uu ku tagay xarunta Jigjiga waxaa uu ahaa mid la doonayay in deegaanka looga hirgaliyo Hormar waara, Dimuquraadiyad, iyo ilaalinta Xuquuqul Isaanka, isaga oo kulamo kala duwan oo arrimaha la xiriira la yeeshay dadka deegaanka iyo mamuulka intaba, gaar ahaan maamulka ayuu kala hadlay in is badalka guud ahaanba wadanka ka dhacay uu ka hirgalo deegaanka Soomaalida, iyadoo ay taa ay daba socoto hogaaminta deeganka oo koox yar ah, waxaa ay ku tallaabsadeen in dhibaatooyin ballaaran uu deegaanku ka dhaco, magaalada Jigjiga iyo magaalooyinka kale-ba dad badan ayaa ku dhintay hanta badanna waa lagu boobay ayuu yiri ‘’Wasiirka Warfaafinta Itoobiya.

Wuxuu sheegay in dhibaatooyinkaa uu maamulka ka abuuray sida uu hadalka u dhigay deegaanka laga dhax-lay dhimasho, dhaawac, bur bur hantiyeed, boob iyo in la gubay dhismooyin badan oo kuwa diinta ah, isaga oo intaa ku daray in loo saaray arrimahan oo dhan guddiyo baaritaan deg deg ah ku sameeya.

‘’Kaddib markii ay dhibaatooyinkii bateen, maamulka meesha ka jir-na uu waxba ka qaban waayay dadka deegaanka waxaa ay ka codsadeen dowladda dhexe in lagu caawiyo sugida amniga, xaalada-na la dajiyo, dilka, barakaca iyo boobka ballaaran ee deegaanka ka socda-na la joojiyo, iyadoo la raacayo codsiga Shacabka, iyada oo la raacayo muhiimada ay leedahay in la sugo Amniga, ayey dowladda Dhexe ee Federaalka Itoobiya waxaa ay go’aamisay in wasaaradda difaaca iyo hay’addaha kale ee amniga fara-galiyaan xaalada deegaanka’’ ayuu yiri Wasiir Shide.

Ciidamada Liyuu Booliis-ka dowlad deegaanka Soomaalida ayuu sheegay in loogu baaqayo in aysan ka qeyb-qaadan fowdada iyo dhibaatada ka jirta deegaanka, taa badalkeedana la shaqeeyaan ciidamada amniga sugaya.

Hadalka Wasiirka ayaa imanaya xili maalintii shalay ciidamada militeriga Itoobiya ka qabteen magaaalada Jigjiga madaxweynihii hore ee Ismaamulka Soomaalida Itoobiya Cabdi Maxamuud Cumar oo maalin ka hor xilkaa iska casilay.

Shabakada Wararka
hagaag.com
info@hagaag.com

Advertisements
About Admin (4518 Articles)
Wararka Somalia iyo kuwa caalamka ayaan idinka haqab tireynaa.

U dhaaf Halcelis

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Beddel )

Google+ photo

You are commenting using your Google+ account. Log Out /  Beddel )

Twitter picture

You are commenting using your Twitter account. Log Out /  Beddel )

Facebook photo

You are commenting using your Facebook account. Log Out /  Beddel )

w

Connecting to %s

This site uses Akismet to reduce spam. Learn how your comment data is processed.

%d bloggers like this: