Advertisements
Wararka

Gudd. Mursal oo xafiiskiisa ku qaabilay 7 musharax oo u taagan xilka M/weynaha Koonfur Galbeed…


Guddoomiyaha Golaha Shacabka ee Baarlamaanka Federaalka ah ee Soomaaliya Maxamed Mursale Sheekh C/raxmaan ayaa xalay xafiiskiisa ku qaabilay illaa todobo musharax oo u taagan xilka Madaxweynaha Koonfur Galbeed.

Kulankan oo saacado qaatay ayaa looga hadlay is bedel ka dhaca Koonfur Galbeed iyo doorashada soo socota ee Madaxweynaha Koonfur Galbeed oo dhici doonta bisha November ee soo socota

Ilo ku dhow dhow Kulanka ayaa sheegaya in Guddoomiye Mursal uu u soo jeediyay Musharaxiinta inay la yimaadaan tanaasul, isla markaana ay hal Musharax ku midoobaan.

Xubnaha Musharaxiinta ee kulankan ka dhex muuqday waxaa ka mid ahaa Wasiirkii hore Maaliyadda Maxamed Aadan Fargeeti, Wasiir hore Yuusuf Macalin Amiin Baadiyow oo abti u ah Shariif Xasan.

Sidoo kale Musharaxiinta waxaa ka mid Mukhtaar Roobow Abuu Mansuur oo aan weli si rasmi ugu dhawaaqin musharaxnimadiisa, balse siyaasiyiin iyo Mas’uuliyiin ka tirsan dowladda la wadaagay damaciisa ku wajahan xilka Madaxweynaha Koofur Galbeed.

Musharaxiintan ka horjeeda Shariif Xasan ayaa lagu wadaa in maalinta Sabtida ee soo socota ay u ambabaxaan magaalada Baydhabo, si ay u bilaabaan ololahooda doorashada.

Dowladda Federaalka ayaa sida muuqata wadata musharax gaar ah oo ku guuleysta xilka Madaxweynaha Koonfur Galbeed, si ay meesha ugu saarto in dib mar kale u soo laabto Shariif Xasan Sheekh Aadan oo 10-kii sano ee u dambeeyay saameyn ku lahaa siyaasadda dalka.

Shabakada Wararka
hagaag.com
info@hagaag.com

Advertisements
About Admin (5415 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: