Advertisements
Wararka

Madaxweynaha Suudan oo Muctaz Muuse u magacaabay Rai’sul wasaaraha cusub…


Madaxweynaha Suudaan Cumar Xasan Al-Bashiir ayaa magacaabay golo wasiirro oo cusub ka dib markii uu kala diray kuwii hore iyadoo mashaakilka dhaqaale ee dalkaas uu sare u sii kacayo, sicir bararka sannadka ayaana maraya in kabadan 60%.

Golaha wasiirrada ayaa la yareeyay iyadoo halkii ay 31 ka ahaayeen laga dhigay 21, waxaana hogaamin doona golaha wasiirada Ra’iisul wasaaraha cusub Muctaz Muuse oo horey u ahaa wasiirka quwada korontada.

Wasiirrada cusub waxaa ka mid ah ah: wasiirka maaliyadda Abdullah Hamduk, wasiirka arrimaha gudaha Ahmed Bilal Othman, wasiirka khayraadka biyaha iyo quwadda korontada Khadar Mohamed Othman.

Wasaaradda shidaalka iyo midda macdanta ayaa la isku daray waxaana loo dhiibay Azhari Abdel Qader.

Wasiirka arrimaha dibadda, wasiirka difaaca iyo wasiirkii madaxtooyada ayaa iyagu xilalkoodii sii haya, sida ay ku warrantay wakaaladda wararka ee Reuters.

Wasiirrada ayaa la dhaarinayaa Jimcahan.

Shabakada Wararka
hagaag.com
info@hagaag.com

Advertisements
About Admin (4815 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: