Advertisements
Wararka

Safiirka cusub ee Somalia ee dalka Sudan oo laga guddoomay waraaqaha aqoonsiga safiirnimo…


Madaxweynaha Sudan Cumar Xasan Al Bashiir ayaa maanta qasriga Madaxtooyada ee Khartoum waxaa uu waraaqaha aqoonsiga ee Safiirnimo kaga guddoomay Safiirka cusub ee Soomaaliya ee dalka Sudan C/risaaq Axmed Shoole.

C/risaaq Axmed Shoole ayaa ka mid ahaa Safiiro ay ansixiyeen Golaha Wasiirada Soomaaliya, waxaana loo magacaabay inuu noqdo Safiirka Sudan.

Mr Shoole ayaa ahaa Kuxigeenka Agaasimaha Madaxtooyada Soomaaliya, waxaa lagu tilmaamaa inuu ka mid ahaa shaqsiyaadka aadka ugu dhowaa Madaxweyne Farmaajo oo kala qeyb qaatay ololihii doorashada.

Dowladda Soomaaliya ayaa is bedel ku sameeysay inta badan Safiirada dalalka deriska, waxaana ay magacawday Safiiro cusub.

Itoobiya iyo Jabuuti ayaa loo magacaabay labo safiir oo nuqul ka mid ah waraaqahooda aqoonsiga ay aqbashay Wasaaraddaha Arrimaha dibadda dalalkaas, waxaana labada Safiir kala yihiin Cali Shariif oo loo magacaabay Itoobiya iyo Maxamed Cali Nuur Xaaji oo loo magacaabay Jabuuti, kaasoo laga soo bedelay Itoobiya.

Dalalka Kenya iyo Uganda oo ah wadamo ay Ciidamo ka joogaan Soomaaliya ayaa weli loo magacaabin Safiiro.

Shabakada Wararka
hagaag.com
info@hagaag.com

Advertisements
About Admin (5210 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: