Advertisements
Wararka

Qaar ka mid ah Senatorada Mareykanka oo rumeysan in binu Salman uu ka dambeeyey dilka…


Qaar ka mid ah xildhibaannada dalka Mareykanka ayaa sheegey in iminka in ka badan sidii hore ay u rumaysan yihiin in dhaxalsugaha Sacuudiga Maxamed Bin Salmaan uu door ku lahaa dilkii wariye Jamal Khashoggi.

Sanatarada ayaa hadalkan sheegay ka dib markii ay kulan gaar ah la yeesheen saraakiisha laanta sirdoonka Mareykanka ee CIA.

Weerar dhanka afka ah oo uu Senator Lindsey Graham ku qaaday dhaxalsugaha ayaa waxa uu ku sheegay “in kalsooni sare uu ku qabo” in uu ku lug lahaa dilka wariye Jamal Khashoggi.

Sanatarka ayaa ku tilmaamay boqortooyada Sacuudiga in ay yihiin “kuwa waalan oo halis ah”,.

Dowladda Sacuudiga ayaa dilka wariye Jamal waxa ay u maxkamadeysay 11 qof.

Balse dowladda Sacuudiga ayaa beenisay in dahaxalsuge binu Salman uu ku lug lahaa dilkaasi.

Xubnaha guddiga xiriirka arrimaha dibadda ee aqalka Senate-ka lama aysan gabban erayadooda ka dib markii ay la kulmeen agaasimaha hay’ada CIA Gina Haspel.

Senator Lindsey Graham ayaa sheegay in uusan taageereyn dagaalka Sacuudiga ay ka wadaan Yemen ama in hub laga iibiyo xukuumadda Riyadh inta uu awoodda hayo dhaxalsugaha.

Senator Bob Menendez, oo ka tirsan xisbiga dimuqraadiga ayaa dhankiisa wariyayaasha u sheegay “in uu imika ku qanacsan yahay si ka badan sidii hore”in dhaxalsugaha Sacuudiga uu masuul ka ahaa.

Waxa uu intaa ku daray in Mareykanka ay qasab tahay”in ay diraan farriin cad oo ah in ficilada noocaas oo kala ah aan la aqbali Karin marka la eego marxaladda uu maanta caalamka marayo”.

Senator kale oo lagu magacaabo , Bob Corker, ayaa wariyayaasha isna u sheegay: “in aysan maskaxdiisa wax su’aal ah uga jirin in dhaxalsuge Maxamed Binu Salmaan uu amray dilka.”

Senator Bob oo ka tirsan xisbiga Jamhuuriga ayaa intaa ku daray “in haddii maanta Binu Salmaan la horkeeni lahaa garsoore in 30 daqiiqa gudahod dambiga loogu heli lahaa.”

Shabakada Wararka
hagaag.com
info@hagaag.com

Advertisements
About Admin (5397 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: