Advertisements
Wararka

Xoghayihii Amniga gudaha Mareykanka Kirstjen Nielsen oo xilkii iska casishay…


Xoghayihii amniga gudaha Maraykanka Kirstjen Nielsen oo mas’uul ka ahayd qorshaha muranka badan dhaliyay ee gidaarka ayaa xilkii iska casishay.

Haweenayday ayaa ku tilmaamtay “Sharaf” in ay ka shaqaynaysay wasaaraddan.

Trump oo markiiba bartiisa Twitter-ka qoraal soo dhigay ayaa sheegay in xilka ay banaysay haweenaydan uu buuxin doono agaasimaha Laanta canshuuraha iyo Illaalinta xudduudaha Kevin McAleenan.

Waxa ay haweenaydan mas’uul ka ahayd hirgalinta qorshaha gidaarka iyo kan ka hortagista dadka soogalootiga ah, gaar ahaan in la kala sooco carruurta iyo waalidkooda muhaajiriinta ah.

Ma aysan sheegin wax sabab ah oo ay xilka u banaysay, balse waxa ay sheegtay in ay tahay waqtigii ugu haboonaa ee xilka ka degto marka la barbardhigo kolkii ay maamulka ku biireysay.

Madaxweyne Trump ayaa ku hanjabay in uu xiri doono xudduuda Mexico, balse hadalkaas waa uu ka laabtay, wuxuuna sheegay in dowladda Mexico uu siin doono muddo sannad ah si ay u joojiyaan daroogada iyo muhaajiriinta soo gudbaya.

Waa tuma Kirstjen ?

Waxa ay maaamulka Trump ku biirtay 2017-kii, xilligaas oo ay kaaliye u noqotay ninkii xilka kaga horeeyay John Kelly.

Markii uu Kelly noqday agaasimaha Aqalka Cad waxa ay u noqotay ku xigeen, hase yeeshee sannad kadib ayay madax ka noqotay wasaaradda.

Waxa ay aad u difaaci jirtay siyaasadaha arrimaha socdaalka ee Donald Trump, kuwaas oo aad loo dhaleeceeyay.

Bishii June 2018-kii ayay dad badan ku buuqeen mar ay tagtay maqaayad dad reer Mexico ay leeyihiin si ay raashin uga cunto.

Waxa ay ka mid noqonaysaa dad badan oo iska casilay maamulka Trump.

Xigasho BBC

Shabakada Wararka

hagaag.com

info@hagaag.com

Advertisements
About Admin (6959 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: