Advertisements
Wararka

Dowlada Myanmar oo galaangal ugu jirta sidii ay u soo celin laheyd qaxootiga Rohingya…

A group of Rohingya refugees walk on the muddy road after travelling over the Bangladesh-Myanmar border in Teknaf, Bangladesh, September 1, 2017. REUTERS/Mohammad Ponir Hossain

Dowlada Myanmar ayaa shaaca ka qaaday in wafdi ay u direyso qaxootiga Rohingya ee ku sugan xeryaha ku yaal dalka Bangladesh kuwaasi oo baqdin ka muujinaya in ay dalkooda ay dib ugu soo laabtaan.

Qaxootigaan ayaa sanadkii 2017-da uga barakacay gobolka Rakhine kadib markii tacadiyo ay u geysteen ciidanka Milatariga iyo Isir naceyb ka dhan ah Muslimiinta.

Safiirka Qaramada Midoobay u qaabilsan Myanmar Hau Do Suan ayaa u sheegay golaha amniga in dowladiisa ay wafdi u diri doonto dhamaadka bishan Luuliyo dalka Bangladesh.

Hau Do ayaa intaa raaciyay in 30,000 oo qaxooti ah ay codsadeen in ay dib ugu soo laabtaan dalkooda ayna xilli kasta ku soo guryo noqon karaan gobolka Rakhine.

Dhanka kale wakiilka Qaramada Midoobay u fadhiya Myanmar Christine Schraner-Burgener ayaa dhaliishay qaabka ay u socoto dib u laabashada Qaxootiga.

Waxay sheegtay in kaliya wadada ay ku laaban karaan qaxootiga Rohingya ay tahay in ay helaan dhowritaanka sharaftooda iyo Dhiigooda.

Shabakada Wararka
hagaag.com
info@hagaag.com

Advertisements
About Admin (6919 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: