Wararka

Fanaanada caanka ah Nicki Minaj oo ka baaqatay bandhig ay ku qaban laheyd dalka Sacuudiga…


Bandhig heesa ah oo lagu waday toddobaadka soo socdka inuu ka dhaco dalka Sacuudiga magaalada Jeddah ayaa la baajiyay, markii ay sidaa go’aansatay Nicki Minaj oo ka mid ah fannaaniinta caanka ah.

Go’aankii horey loogu shaaciyay dalka Sacuudiga inay gabadha bandhig ku qabanayso ayaa dad badan waxay ula muuqaatay arrin cajiib ah, waxaana dowladda Sacuudiga ay arrintaa kala kulantay dhaleeceyn badan.

Nicki Minaj , ayaa hadda si cad u sheegtay inaysan tagi doonin dalka Sacuudiga, waxaa ay go’aankeeda sabab uga dhigtay in marna aysan bandhig ku qaban doonin dalkaas oo ay ku tilmaamtay in lagu dhibaateeyo haweenka aanan laga rabina dadka isku jinsiga ah ee isu galmooda.

“Inkastoo aan rabo inaan taageerayaasheyda Sacudiga aan u qabto bandhig fanneed, hadana waxaan ogaaday inay muhiim tahay inaan si dhab ah u muujiyo taageerada aan u hayo dadka isku jinsiga ah ee isu galmooda, xuquuqda dumarka iyo xorriyatul qowlka” ayay tiri Nicki Minaj.

Hay’adda Xuquuqda Aadanaha ee fadhigeedu yahay Maraykanka ayaa Jimcihii toddobaadkii hore warqad u dirtay Minaj, iyagoo ka codsaday in aysan ka qeyb galin bandhiga lagu casuumay ee dhacaya 18-ka July.

Waxaa aad isha looga haayay xaalada xuquuqda aadanaha ee wadankaasi, taas oo ka sii dartay ka dib dilkii saxafiga Jamal Khashoggi oo lagu dhex-dilay qunsuliyadda Sacuudiga ee Istanbul bishii October. Bishii Maarso, boqortooyada ayaa dhaleeceyn kale la kulantay kaddib markii ay xirtay 10 haween oo u dhaq dhaqaqa xuquuqda aadanaha.

Shabakada Wararka
hagaag.com
info@hagaag.com

About Admin (8012 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: