Wararka

Weerar Ismiidaamin ah oo lagu qaaday Hotel Cas Casey ee magaalada Kismaayo…


Wararka ka imaanaya Magaalada Kismaayo ayaa waxay sheegayaan in goor dhow weerar ismiidaamin lagu qaaday Hotelka Cas Casey oo ku dhow Aargada Kismaayo, ka dibna ay dabley hubeysan gudaha u galeen hotelka.

Weerarkan ayaa ku bilowday gaari walxaha qarxa laga soo buuxiyay oo lagu dhuftay albaabka hore ee hotelka, waxaana xigay rag hubeysan oo gudaha u galay hotelkaasi.

Hotelkan oo ah mid amnigiisa aad loo ilaaliyo ayaa waxaa deggan qaar ka mid ah murashaxiinta Jubbaland iyo weliba dad qurbajoog ah.

Ciidamada amniga Jubbaland oo gaaray hotelka la weeraray ayaa dagaal ku wajahaya raggii weerarka soo qaaday, waxaana aagga hotelka laga maqlayaa rasaas xoogan iyo bambooyinka gacanta laga tuuro.

Suxufiyiinta ka howlgala Magaalada Kismaayo ayaa waxay soo sheegayaan in xaaladda magaaladu ay tahay mid aad u cakiran, isla-markaana ay ciidamada xireen wadooyinka soo gala hotelkaasi.

Waxaa weerarka sheegatay xarakada al-Shabaab.

Shabakada Wararka
hagaag.com
info@hagaag.com

About Admin (8777 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: