Advertisements
Wararka

M/weynaha maamulka Jubbaland oo ka hadlay xariga Janan, dib u doorashadiisa iyo xayiraada…


Madaxweynaha maamulka Jubbaland Axmed Madoobe ayaa maanta ka hadlay xarriga Wasiirkiisii Amniga C/rashiid Janan, Dib u doorashadiisa, Khilaafka dowladda kala dhexeeya iyo xayiraada la saaray diyaaradihii sida tooska u tagi jiray ama uga iman jiray magaalada Kismaayo.

Axmed Madoobe oo maanta jeediyay shir jaraa’id oo socday 28 daqiiqo kadib shirkii golaha Wasiirada ayuu si kulul u weeraray hanaanka ay dalka u maamulaan madaxweyne Farmaajo iyo Ra’iisul Wasaare Xasan Cali Khayre.

Sababta kaliya ee dowladda u diidan tahay iney aqoonsato doorashadii 22-kii bishii hore ka dhacday Kismaayo ayuu ku sheegay iney tahay in dowladda ka weysay musharax sidey rabto uga sameyn kara Jubbaland, si lamid ah doorashadii ka dhacday magaalada Baydhabo dhamaadka sanadkii hore 2018.

Axmed Madoobe ayaa sheegay ineysan shaqsi ahaan wax saameyn ah ku yeelaneynin xanibaada dowladda ay saartay diyaaradaha sida tooska uga howlgali jiray deegaanada Jubbaland, balse waxa uu tilmaamay in xanibaada la saaray oo kaliya Shacabka.

Madaxweynaha dib loo doortay ee Maamulka Jubbaland ayaa tilmaamay iney diyaarinayaan Kiis ka dhan ah madaxda dowladda Soomaaliya oo sida uu sheegay ay gacanta ku heyso xeer ilaalinta maamulkiisa, kaasoo ku xusan dad geeriyooday intii ay dhexda ku soo jireen wixii ka danbeeyay xanibaadii diyaaradaha.

Mar uu soo hadal qaaday xariga Wasiir Janan, Axmed Madoobe ayaa carabka ku dhuftay in Janan u xiran yahay diidmo uu kala horyimid madaxda dowladda inuu bur buriyo maamulkii Jubaland ee uu markiisii hore gacantiisa ku dhisay, isagoo iska diiday balanqaadyo dhowr ah oo ay u sameeyeen madaxda dalka.

Odayaal u tagay madaxweyne Farmaajo oo ka socday gobolka Gedo iyo kuwo ku heyb ah Wasiirka xiran ayuu shaaciyay in Af cad loogu sheegay in Wasiirkooda la sii deynayo hadii ay ogolaadaan iney iska diidaan doorashadii Axmed Madoobe uu ku soo baxay, mid cusubna ay ku diyaariyaan gobolka Gedo.

Waxa uu soo hadal qaaday eeda Amnesty International ee Wasiir Janan, isagoo Su’aal iska weydiiyay sababta hay’adaasi aysan uga hadal askartii dowladda ka leysay C/raxmaan C/Shakuur, dadkii Ciidanka dowladda ay ku laayeen Baydhabo sanadkii hore iyo Taliyihii holwgalkaasi wax ka waday ee loo dalacsiiyay Taliyaha Ciidanka Asluubta Soomaaliya.

Madaxweynaha maamulka Jubaland Axmed Madoobe ayaa ugu danbeyntii ku hanjabay inuu talaabo ka dhan ah dowladda qaadi doono, hadii madaxda dowladda aysan la iman Siyaasad ka duwan mida haatan lagu cuna qabateynayo maamulkiisa Jubbaland.

Shabakada Wararka
hagaag.com
info@hagaag.com

Advertisements
About Admin (7359 Articles)
Wararka Somalia iyo kuwa caalamka ayaan idinka haqab tireynaa.

U dhaaf Halcelis

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Beddel )

Google photo

You are commenting using your Google account. Log Out /  Beddel )

Twitter picture

You are commenting using your Twitter account. Log Out /  Beddel )

Facebook photo

You are commenting using your Facebook account. Log Out /  Beddel )

Connecting to %s

This site uses Akismet to reduce spam. Learn how your comment data is processed.

%d bloggers like this: