Wararka

Nin toorey ku hubeysnaa oo weeraray goob laga dukaameysto oo mashquul badan…


Nin toorey ku hubeysnaa ayaa weerar ku qaaday goob mashquul badan oo kutaala magaalada Den Haag ee dalka Holland, waxaana weerarkan ka dhashay cabsi lasoo daristay dadka kunool magaalada.

Booliska ayaa sheegay in nin aan wali la aqoonsan uu ka dambeeyay weerarkan tooreyda loo adeegsaday, waxa ayna shaaciyeen in sadex qof oo weerarka ku dhaawacantay loola carary Isbitaalka.

Weerarka ayaa ka dhacay dukaanka Hudson’s Bay ee ku yaal jidka Grote Marktstraat ee magaalada Den Haag , waxaana dukaanka weerarka ka dhacay xiligaasi ka socotay dukaameysi maadaama ay aheyd Black Friday maalinta loogu magac daray.

Booliska ayaa ka codsaday shacabka in ay kusoo wargaliyaan ninka weerarka geystay hadii ay aqoonsadaan, waxa ayn sidoo kale booliiska dadka ka codsadeen in muuqaalo iyo sawiro hadii ay weerarka ka qaadeen lasoo wadaagaan. Ninka wax tooriyeeyey ayaa lagu sheegay inay da’diisu u dhaxeysay 45-50 jir.

Shakhsiga weerarka ka dambeeyay ayaana la sheegay in goobta isaga baxsaday, waxaana magaalada Den Haag ka socda howlgalo lagu baadi goobayo shaqsigii weerarka tooreyda loo adeegsaday ka dambeeyay.

Shabakada Wararka
hagaag.com
info@hagaag.com

About Admin (10588 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: