Wararka

Cudurka coronavirus oo caga dhigtay Aqalka Congres-ka Mareykanka kadib markii laga…


Laba xubnood oo ka tirsan Aqalka Wakiilada Mareykanka ayaa Arbacadii noqday labadii qof ee ugu horreeyey ee ka tirsan Congress-ka Mareykanka oo laga helay cudurka Coronavirus.

Xafiiska Mario Diaz-Balart ayaa bayaan uu soo saaray ku yiri “in waqti dhow ka hor lagu war-geliyey in laga helay cudurka Coronavirus.”

Mario oo ka tirsan xisbiga Jamhuuriga lagana soo doorto magaalada Miami ayaa ku biiray duqa magaaladaas Francis Suarez, oo toddobaadkii tegay shaaca ka qaaday in laga helay Coronavirus.

Ka-helitaanka Mario ee cudurka ayaa hogaamisay in ninka labaad ee ugu sarreeya Congress-ka Steve Scalise, oo Jamhuuri ah uu ku dhowaaqo inuu si iskiis ah isku karantiilayo, maadaama uu la kulmay toddobaadkii tegay.

“Nasiib wanaag, iskuma arko wax astaamo ah, waxaana sii wadi doonaa inaan guriga kasoo shaqeeyo, aniga oo joogteynaya xiriirka maamulka Trump,” ayuu Scalise ku yiri bayaan uu soo saaray.

Sidoo kale, Ben McAdams, oo isna ah Dimoqraadi laga soo doorto gobolka Utah, ayaa noqday qofkii labaad ee ka tirsan Aqalka Wakiilada oo ku dhowaaqa in laga helay Coronavirus.

“Kadib markii aan isku arkay hargab habeenkii sabtida markii aan kasoo laabtay Washington, astaamahayga ayaa kasii daray, waxaana dareemay qandho, qufac qalalan, iyo neefta oo i dhibtay kadibna si iskey ah ayaan isku karantiilay,” ayuu yiri McAdams oo baaritaan lagu sameeyey Talaadadii ka dib lagu war-geliyey in laga helay Coronavirus.

Shabakada Wararka
hagaag.com
info@hagaag.com

About Admin (9448 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: