Wararka

Deni oo ku sheegay in ujeedo gaar ah laga leeyahay hadal ka soo yeeray guddiga Doorashada DFS…


Madaxweynaha Puntland Siciid Cabdulaahi Deni, ayaa sheegay in ujeedo gaar ah laga leeyahay hadal guddiga Doorashada DFS kasoo yeeray oo ku saabsanaa arrimaha doorashooyinka.

Guddoomiyaha guddiga doorashooyinka qaran. Xaliimo Yarey oo Muqdisho shir jaraa’id ku qabatay ayaa soo dhoweysay sharciga doorashooyinka iyo guddiyada loo xilsaaray dhaqan galinta qaraarada iyo sharciga doorashooyinka, iyadoo ku tilmaamtay tilaabo taariikhi ah.

Madaxweyne Deni ayaa ku tilmaamay hadalka guddiga doorashada mid aanu u muuqan in sharci lagu taageerayay, balse ay u arkaan mid looga hordhacayo dadaalada ay Puntland wado, laguna fashilinayo gogosha wadahadal ee Garowe la dhigay.

“Guddiga Doorashada DFS hadalka ay hadda soo jeediyeen ma aha mid sharci waa-hore la ansixiyey lagu taageerayo, ee waxaan u arkaa mid looga hordhacayo dadaalada ay Puntland wado, laguna fashilinayo gogosha wadahadal ee Garowe la dhigay, waana talaabo labaad oo jid-gooyo ah, marka laga soo tago warsaxaafadeedkii ay Wasiiradu qabteen”ayuu yidhi madaxweyne Deni.

Deni waxaa uu sheegay inay tahay tilaabadii labaad oo jid-gooyo ah, marka laga soo tago warsaxaafadeedkii ay Wasiiradda Dowladda Federalku ku qabteen Garowe, sida uu hadalka u dhigay.

Shabakada Wararka
hagaag.com
info@hagaaag.com

About Admin (9373 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: