Wararka

Al-Shabaab oo qabsatay Shirweyne looga arinsanayay wax ay ugu yeertay jihaadka ka socda…


Al-Shabaab ayaa soo gebagebeysay Shirweyne looga arinsanayay wax ay ugu yeertay Jihaadka ka socda Bariga Africa oo ay kasoo qeybgaleen in ka badan 100 xubnood oo isugu jira culimo, odayaal dhaqameedyo iyo hogaanka sare ee Xarakada Al-Shabaab, waxaana gunaanadkii laga soo saaray fatwo iyo bayaan lagu faah-faahinayey qodobadii kasoo baxay shirka.

Shirka oo socday muddo shan maalin ah laguna qabtay hool si heer sare ah loo qurxiyay ayaa waxaa kasoo baxay illaa shan qodob oo ay ka ka mid yihiin Xukunka dastuurka ay ku dhaqanto DF, Doorashooyinka dalka ku soo fool leh, cudurka Coronavirus iyo kuwo kale.

Fatwada ayaa lagu caddeeyey inay xaaraan tahay ka qeybgalka doorashooyinka dimuquraadiga, ku dhaqanka dastuurka DF.

ShirShabaab1

Hoos ka akhriso qodobada ay soo saartay al-Shabaab.

1-In Al-Shabaab ay sii xoojiyaan dagaalka ay ku difaacayaan Diinta, Dalka iyo dadka Muslimiinta.

2- In Dowladda Federaalka iyo maamulada hoos taga ay yihiin Maamullo Diinta Islaamka ka baxay, waajibna ay tahay in lala dagaalamo.

3- Inay xaaraan tahay ka qayb qaadashada doorashada dalka laga qaban-qaabinayo 2021.

ShirShabaab2

4- In laga hortago waxa loogu yeero nidaamka Federaalka, oo ah qorshe ujeedadiisu tahay in lagu kala qoqobo dalka, colaadihii sokeeye lagu soo celiyo.

5- In laga digtoonaado qulqulka ciidamada Itoobiya ee soo galaya dalka, tiro badan oo kamid ahna ay saldhigteen qaar kamid ah magaalooyinka waaweyn ee dalka.

6- Waxaa bulshada Muslimka ah loogu baaqayaa inay ka digtoonaadaan cudurada faafa ee ku soo badanaya dunida sida Coronavirus iyo HIV-ga, kuwaasoo ay faafintoodu kaalin lixaad leh ka qaadanayaan ciidamada shisheeye ee dalka jooga.

Shabakada Wararka
hagaag.com
info@hagaag.com

About Admin (9373 Articles)
Wararka Somalia iyo kuwa caalamka ayaan idinka haqab tireynaa.

U dhaaf Halcelis

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Beddel )

Google photo

You are commenting using your Google account. Log Out /  Beddel )

Twitter picture

You are commenting using your Twitter account. Log Out /  Beddel )

Facebook photo

You are commenting using your Facebook account. Log Out /  Beddel )

Connecting to %s

This site uses Akismet to reduce spam. Learn how your comment data is processed.

%d bloggers like this: