Wararka

Banaanbaxyo rabshado wata oo ka dhashay dilkii fanaanka Oromada oo ruxay Addis Ababa…


Magaalada Addis Ababa ee dalka Itoobiya ayaa waxaa maanta ruxay banaan baxyo rabshado wata oo ka dhashay dilkii shalay loo geystay Fanaanka caanka ah ee ka soo jeeda qowmiyadda Oromada oo lagu magacaabo Haacaaluu Hundeesaa.

Banaan baxyadan oo ay dhigayeen dhalinyaro ka careysnaa dilka fanaanka ayaa waxay taayaro ku gubeen waddooyinka, sidoo kale gaadiid kala duwan iyo dhismayaal ganacsi ayaa la gubay.

Dhalinyarada dibad baxayay ayaa ku qeylinayay cadaalad iyo in la soo qabto kooxihii ka dambeeyay dilka Fanaanka reer Oromo Haacaaluu oo ka mid ahaa Maxaabiistii siyaasadda u xirnaa ee la soo daayay sanadkii 2018, markii Abiy Ahmed talada dalka Itoobiya uu la wareegay.

Dibad baxyada rabshadaha wata ee maanta gilgilay Magaalada Addis Ababa ayaa sababay in dowladdu ay qaado tallaabooyin ay ku xakameyneyso, iyadoo hawada laga saaray isgaarsiinta, sida Internet iyo taleefanada.

Dhinaca kale Ciidamada Booliska Itoobiya ayaa xiray Garba Bekele iyo Jawaar Maxamed oo ka mid ah Hoggaamiyeyaasha Oromada ee si weyn uga soo horjeedaa Maamulka Abiy Ahmed.

Xaalada Itoobiya ayaa u muuqata mid rabshado lugaha la galeysa iyo xaalado aan deganeyn, tan iyo markii xilka loo kordhiyay Ra’iisul Wasaaraha Itoobiya Abiy Ahmed.

Shabakada Wararka, hagaag.com info@hagaag.com

About Admin (11390 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: