Wararka

Trump ayaa wacad ku maray inuusan shacabka ku amri doonin in ay xirtaan af-xirka looga hortago…


Madaxweynaha Mareykanka Donald Trump ayaa wacad ku maray inuusan shacabka reer Mareykan ku amri doonin iney xirtaan maaskarada ama af-xirka looga hortago faafifadda fayraska corona.

Hadalkiisan ayaa ku soo beegmaya xilli madaxa Cudurada Faafafa ee dalka Dr. Anthony Fauci uu madaxda dowladda iyo kuwa gobollada ku booriyay iney shacabka ku khasbaan xirashada maaskarada.

Dr. Fauci ayaa intaasi ku daray inay aad muhim u tahay xirashada maaskarada wajiga ayna khasab tahay in qofkastaa uu isticmaalo. Dalka Mareykanka waxaa aad loo siyaasadeeyay xirashada maaskarada wajiga.

Madaxweyne Trump oo mar sii horeysay gaashaanka u daruuray xirashada maaskarada ayaa markii ugu horeysay Sabtidii la soo dhaafay xirtay maaskarada.

Hase yeeshee wereysi uu siiyay warbaahinta Fox News, ayuu Trump ku sheegay inuusan marnaba ku raacsanayn in dadka khasab looga dhigo xirashada maaskarada sabatoo ah waxa uu yiri dadku waxay u baahan yihiin xornimo.

Haatan tirada guud ee uu ku dhacay fayraska dalkaasi Mareykanka ayaa kor u dhaaftay 3.6 milyan oo qof , halka dhimashaduna ay ka sare martay 139,000 taasi oo Mareykanka ka dhigeyso dalka u dhimashada badan dunida oo dhan.

Dhinaca kale malaayiin caruur reer Mareykan ah ayaanan sannad dugsiyeedkan dib ugu laaban doonin iskuulada iyadoo dallaaca fayraska corona uu sare u sii kacaya.

Labada gobol ee ugu dadka badan Mareykanka waa California iyo Texas, in ka badan 7 milyan oo caruur ah oo ku tiirsan waxbashada iskuulada dowladda ayaanan toddobaadyada soo socda dib ugu noqon doonin waxbarshadoodii.

Gobolka Texas ayaa qorsheynaya in ilaa bisha November ardayda la siiyo casharada dhanka online-ka ah.

Shabakada Wararka, hagaag.com info@hagaag.com

About Admin (11368 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: