Wararka

Guddoonka Baarlamaanka iyo Madasha Xisbiyada ayaa ka wada hadlay xaalada kala guurka…


Warar dheeraad ah ayaa kasoo baxaya kulan xalay ay ku yeesheen magaalada Muqdisho Guddoonka Baarlamanka dalka iyo Hoggaamiyayaasha Madasha Xisbiyada qaran ee mucaaradka ah. Waxayna wararku sheegayaan in laga hadlay xaaladda kala guurka ah ee Soomaaliya iyo hannaankii loo maareyn lahaa.

Guddoomiyaha Baarlamanka Maxamed Mursal Shiikh Cabdiraxmaan oo uu wehliyo ku xigeenkiisa koowaad Cabdiweli Sheikh Ibraahim Muuddey iyo xubno ka tirsan xildhibaannada Baarlamanka aqalka hoose ayaa waxay kulankaas la qaateen madaxweynayaashii hore Xasan Shiikh Maxamuud iyo Shariif Shiikh Axmed.

Warku waxa uu intaas ku darayaa in labada dhinac ay isla qaateen in si nabdoon loo waajaho xaaladda kala guurka ah, lana xushmeeyo si wada jir ah dastuurka dalka.

Kulankan ayaa waxa uu imanayaa xilli uu meesha ka baxay Ra’iisul wasaarahii Soomaaliya Xasan Cali Kheyre, dalkana uu isku diyaarinayo doorashooyin, iyadoo aan weli la isla meel dhigin hannaanka doorasho ee la raaci doono.

Shabakada Wararka, hagaag.com info@hagaag.com

About Admin (12192 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: