Wararka

Xildhibaano ka tirsan Galmudug oo ka cabanayey mushaar la’aan oo heshiis laga gaaray…


Guddoomiyaha Baarlamanka Galmudug Dr.Maxamed Gacal iyo xildhibaanno kasoo horjeeday oo ka gadoodsanaa mushaar la’aan muddo dhowr bilood ah haysatay ayaa xalay heshiis ku gaaray magaalada Dhuusamareeb.

Labada dhinac ayaa is hor fadhiistay kadib markii uu kulan casho ah u sameeyay madaxweyne ku xigeenka Galmudug.

Kulanka ayaa waxaa soo qaban-qaabiyay madaxweyne ku xigeenka maamulkaasi Cali Daahir Ciid, waxayna dhinacyada is hor fadhiistay ka hadleen waxyaabaha keenay kala aragti duwanaashiyaha sababta u noqday ka shaqeynta mooshinka ka dhanka ah guddoomiyaha Baarlamanka Galmudug.

Xildhibaannada ayaa la sheegay inay soo bandhigeen in muddo dhowr bilood ah uu ka maqanyahay mushaarkii ay lahaayeen, taasi bedalkeedana ay ku andacoodeen in guddoonka Baarlamanka uu u garaabi waayay.

Gabagabadii kulanka ayaa la isla gartay in xal si wada jir ah loo raadiyo, waxaana xalay meesha ka baxay wararkii sheegayey inuu socdo mooshin ka dhan ah Guddoomiyaha Baarlamanka Galmudug.

Shabakada Wararka, hagaag.com info@hagaag.com

About Admin (11427 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: