Wararka

Sarkaal u qaabilsanaa al-Shabaab howlgelinta ayaa lagu dilay inta u dhaxeysa Bardaale…


Ciidanka Maamulka Koonfur Galbeed ayaa weerar qorsheysan oo ay ka fuliyeen meel 45Km dhanka galbeed kaga beegan magaalada Baydhabo waxay ku khaarijiyeen Sarkaal ka tirsan Al-Shabaab.

Sarkaalkan ayaa lagu magacaabayay Ibraahim Macalim Cabdi oo loo yaqaano Ibraahim Ganey, waxaana ciidanka ay shalay gelinkii dambe ku dileen inta u dhaxeysa degmooyinka Bardaale iyo Aw-Diinle.

Sidoo kale waxaa la sheegay inuu ka baxsaday goobta nin ilaalo u ahaa Sarkaalkan.

Ciidanka ayaa waxay gacanta ku dhigeen 2 qori Ak47 bastoolad makaaroof loo yaqaan iyo 8 khasanadood.

Sarkaalka la dilay ayaa u qaabilsanaa Al-Shabaab dhanka howlgelinta dagaalada degmooyinka Bardaale iyo Baydhabo.

Al-Shabaab ayaa dhowr jeer oo hore weeraro ka fuliyay duleedyada magaalada Baydhabo iyo degmooyin ka tirsan Gobolka Bay.

Shabakada Wararka, hagaag.com info@hagaag.com

About Admin (12158 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: