Wararka

11 ruux oo lagu eedeynayo kufsigii iyo dilkii Xamdi Maxamed ayaa loo xiray baaritaana ku…


Taliska Ciidanka Booliska Soomaaliyeed ayaa si rasmi ah u shaaciyay in 11 ruux oo lagu eedeynayo kufsigii iyo dilkii allaha u naxariistee Xamdi Maxamed Faarax loo xirey baaritaana uu ku socdo.

Afhayeenka Ciidanka Booliska Soomaaliyeed Sadiiq Aadan Cali ayaa sheegay in Ciidanka Booliska ay waddaan baaritaano ku aadan falkaasi waxana uu ka codsaday shacabka inay kala shaqeeyaan ciidamada sidii lagu soo qaban lahaa dad kale oo ku lug leh kiiskan.

“Illaa 11 ruux ayaa hadda gacanta booliska ku jira waxaana lagu hayaa baaritaan sidoo kale waxaan ku dabajoognaa dad kale oo la tuhmayo inay ku lug leeyihiin dilkii iyo kufsigii lagula kacay Xamdi Maxamed Faarax.”ayuu yiri afhayeenka Ciidanka Booliska oo maanta weriyaasha la hadlay.

Allaha u naxariistee Xamdi Maxamed Faarax ayaa ka mid ahayd ardayda sanadkan ka qalin-jibeyey dugsiyada sare ee magaalada Muqdisho ayaa toddobaadkan lagu diley lagana soo tuuray daar lix dabaq ah oo ku taal degmada Waaberi magaalada Muqdisho.

Shabakada Wararka, hagaag.com info@hagaag.com

About Admin (12158 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: