Wararka

Guuleed ayaa qoraal kooban ku sheegay sida uu uga naxay falkii lagu dilay Culumaa’udiinka…


Sii hayaha Ra’iisul Wasaaraha Soomaaliya Mahdi Maxamed Guuleed ayaa ka hadlay Culumaa’udiin dabley hubeysan ay ku dileen deegaan hoostaga degmada Raaga-ceelle ee Gobolka Shabeellada dhexe.

Guuleed ayaa qoraal kooban uu soo saaray wuxuu ku sheegay in uu aad uga naxay falkaas dhacay, Waxa uuna ku tilmaamay arrin walaaceeda leh oo ay geysteen dad aan fahansaneyn micnaha qofka culimada ah uu leeyahay.

“Culimadu waxay kamid tahay dadka biri-mageydada ah, waxayna leeyihiin tix-gelin dheeraad ah ” ayuu Guuleed ku sheegay qoraalkiisa.

Dhinaca kale, wuxuu qeexay in Dowladda Soomaaliya ay ka tacsiyeyneyso falkaas dhacay, waxa uuna tilmaamay in dadkii ka dembeeyay la horkeeni doono cadaaladda.

“Dowladda Soomaaliya waxay xanuunka la wadaageysaa guud ahaan ehelada culimada la laayay” ayuu mar kale qoraalkiisa ku yiri.

Guud ahaan shacabka Soomaaliya ayaa si guud uga xumaaday dilka loo geystay culimada shanta ah, oo la sheegay iney subac ku jireen xilliga la weeraray.

Shabakada Wararka, hagaag.com info@hagaag.com

About Admin (11861 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: