Wararka

Heshiiskii ay gaareen DFS iyo DGXDF ayaa lagu wadaa in si wadajir ay u ansixiyaan labada Aqal…


Madaxweynaha Soomaaliya Maxamed C/llaahi Farmaajo iyo Madaxda Dowlad Goboleedyada ayaa maanta Xarunta Madaxtooyada wadajir ula kulmay Guddoonka Labada Aqal ee Baarlamaanka Federaalka oo muddooyinkii u dambeeyay khilaaf u dhaxeeyay.

Kulankan ayaa looga hadlayay sidii labada aqal ay wadashaqeyntooda dib u soo celin lahaayeen, isla markaana meesha looga saari lahaa mad-madowga u dhaxeeyay.

Madaxweynayaasha Dowlad Goboleedyada ayaa la sheegay inay ka shaqeeyeen sidii labada Guddoon khilaafkooda loo xalin lahaa, waxaana ay qeyb ka aheyd waxyaabihii looga hadlay shirarkii Madaxweyne Farmaajo iyo Madaxda dowlad Goboleedyada ku dhex maray Muqdisho.

Kulanka ayaa looga hadlay sidii labada Aqal ee Baarlamaanka Federaalka ay wadajir ugu ansixin lahaayeen Heshiiska hannaanka doorashada ee ay Muqdisho ku gaareen Madaxweyne Farmaajo iyo Madaxweynayaasha dowlad Goboleedyada.

Wararka ayaa intaa ku daraya in maalinta Sabtida la horgeyn doono labada Aqal, ayna u ansixin doonaan si wadajir ah, si heshiiska doorashada u dhaqan galo.

Madaxda dowlad goboleedyada ayaa dadaal badan ugu jiray sidii loo ansixin lahaa heshiiska doorashada, iyagoo go’aansaday in aanay Muqdisho ka tagin illaa Baarlamaanka labada Aqal ka ansixiyo heshiiskaas.

Shabakada Wararka, hagaag.com info@hagaag.com

About Admin (11796 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: