Wararka

Lafta-gareen oo Baydhabo kula kulmay wafdi ka socday Hay’adda Batroolka Soomaaliyeed…


Madaxweynaha Dowlad Goboleedka Koonfur Galbeed Soomaaliya Mudane Cabdicasiis Xasan Maxamed (Lafta gareen) ayaa magaalada Baydhabo kulan kula qaatay Guddoomiyaha Hay’adda Batroolka Soomaaliyeed iyo wafdi uu hogaaminayey oo ay qeyb ka ahayeen Guddoomiye ku xigeenka Wakiilka Koonfur Galbeed Hay’adda Batroolka u qaabilsan oo shalay Baydhabo gaaray.

Qasriga Madaxtooyada oo ka qabsoomay kulanka ayaa Madaxweynaha Koonfur Galbeed soo dhoweyey wafdiga, waxaana uu ka dhagaystay Qorshaha safarkooda Baydhabo iyo hawlaha uga degsan soo saarida Batroolka si kheyraadka Batroolka looga Faa’iideeyo bulshada Soomaaliyeed qeybna uga qaato kobcinta dhaqaalaha dalka.

Eng. Ibraahim Cali Xuseen Guddoomiyaha Guddiga hay’adda Batroolka ahna Mareeyaha hay’adda ayaa warbixin ku saabsan safarkooda Baydhabo ka siiyey Madaxweynaha Dowlad Goboleedka Koonfur Galbeed Mudane Cabdicasiis (Lafta gareen) waxaana uu sheegey inuu yahay Safar ay ku xoojinayaan wada shaqaynta Wasaaradda Batroolka Koonfur Galbeed iyo Hay’adda si siwadajir ah looga qeyb qaato soo saaridda Batroolka Dalka.

Madaxweynaha Koonfur Galbeed Cabdicasiis Xasan Maxamed Lafta gareen ayaa uga mahadceliyey Guddiga Hay’adda Batroolka ee Socdaalkooda ugu horeeya ee Baydhabo ay ku imaadeen, taasi oo muujinaysa dadaalada Dowlad Goboleedka Koonfur Galbeed ay ku xoojinayso soo saaridda kheyraadka ku jira deegannada Koonfur Galbeed, waxaana uu ku bogaadiyey muhiimadda Dalka ay u leedahay soo saaridda kheyraadka.

Shabakada Wararka, hagaag.com info@hagaag.com

About Admin (11796 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: