Wararka

Saraakiil ka tirsan Ingriiska ayaa tababar siinaya ciidanka difaaca Kenya (KDF) kahor intaan…


Ugu yaraan 1,000 askari oo ka tirsan Ciidanka Difaaca Kenya (KDF) ayaa qaadanaya tababar dagaal, oo ay bixinayaan saraakiil ka socda dowladda Ingiriiska, ka hor intaan loo soo dirin Soomaaliya bisha Janaayo 2021.

Askartan ayaa loo tababarayaa xeeladaha dagaalada dhuumaaleysiga ah oo ay adeegsadaan Al Shabaab, si loogu diyaariyo ka mid noqoshada Howlgalka Midowga Afrika ee Soomaaliya AMISOM.

Waajibaadka ciidanka AMISOM ee Soomaaliya oo lagu wado inuu meesha ka baxo sanadka 2021-ka, ayaa warar soo baxaya waxay sheegayaan in aanay suurtagal aheyn in ciidanka AMISOM xilligaas ka baxayaan Soomaaliya.

Dowladda Ingiriiska ayaa u ballanqaday inay Kenya u tababarayso ciidamo leh waxtar lagula dagaallamo Shabaab. Waxyaabaha la barayo waxaa kamid ah, baaritaanka waxyaabaha qarxa, la tacaalida maxaabiista Al Shabab ee isa soo dhiiba iyo falalka isqarxinta.

Tababbarkan uu militariga Ingiriiska siinayo ciidamada Kenya wuxuu ka dhashay iskaashi istiraatiiji ah oo ay kala saxiixdeen Xoghayaha Difaaca Kenya Monicah Juma iyo dhiggeeda UK Ben Wallace bishii Sebtember ee 2019.

Shabakada Wararka, hagaag.com info@hagaag.com

About Admin (12297 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: