Wararka

QM ayaa ka qeyla dhaamisay nolosha kumannaan caruur ah oo u dhashay dalka Yemen…


Qaramada Midoobay ayaa sheegtay in ay khatar ku jirto nolosha kumannaan carruur ah oo u dhashay dalka Yemen, sababo la xiriira nafaqo-darro aad u daran oo ku heysata qeybo ka mid ah Koonfurta Yemen.

Warbixinta hey’adda daryeelka carruurta ee UNICEF ayaa lagu sheegay in ay jiraan kiisas ka badan nus malyuun kiis oo la xiriira nafaqadaro heysata carruurta ay da’doodu ka hooseyso shanta sano. Shanti carruur ahba hal ayaa la liita macluul sida ay sheegtay UNICEF.

Warbixinta Qaramada Midoobay ayaa sidoo kale lagu sheegay in ugu yaraan rubuc malyuun haween uur leh ama hadda naas-nuujinaya ilmo yar ay u baahan yihiin in laga baxnaaniyo nafaqa-darro.

Meelaha ugu daran ee ay ka jirto nafaqo-darrida ayaa waxaa ka mid ah Xudeyda, Abyan, Lahj iyo Taez.

Dalka Yemen ayaa tan iyo sannadki 2014-ki waxaa ka socda dagaal sokeeye oo u dhaxeeya dhaq-dhaqaaqa Xuutiyiinta ee taageerada ka hela Iran iyo ciidamada dowladda taagta-daran oo kaashanaysa Isbaheysi Carbeed oo uu hogaamiyo Sacuudiga.

Shabakada Wararka, hagaag.com info@hagaag.com

About Admin (12194 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: