Wararka

Dowladda Somalia ayaa sheegtay inay soo qabqabteen saraakiil ka tirsan Al-Shabaab…


Dowladda Soomaaliya ayaa sheegtay in howlgal ay ciidamadeedu ka fuliyeen gobolka Hiiraan iyo qeybo ka mid ah deegaannada hoosyimaada labada Shabeelle ku soo qab qabteen saraakiil ka tirsanaa Ururka Al-Shabaab.

Saraakiisha ayaa sheegay in howlgalkan ciidamada gaar ahaan guutada DANAB ugu suurtagashay in ay gacanta ku soo dhigaan madaxii Maaliyadda Gobolka Hiiraan Horjooge Xasan Yuusuf Cali ,Horjoogihii Maktabka Waxbarashada Dumarka ee deegaanka Ceelcade ee gobolka Hiiraan Cali Cabdulle Jilacow, iyo Horjogihii Sakawaadka gobolada Shabeellooyinka Cabdullahi Isxaaq Xuseen.

Sida ay sheegtay warbaahinta ku hadashay Afka Ciidamada Qalabka Sida ee dowladda Soomaaliya sidoo kale howlgalkan ayaa lagu burburiyay saldhigyo ay Al-shabaab ku lahaayeen qeybo ka mid ah deegaannada ay ciidamadu howlgalkan ka fuliyeen, marka laga soo tago sheegashada dhinaca dowladda dhinaca Al-Shabaab wax war ah kama aysan soo saarin.

Shabakada Wararka, hagaag.com info@hagaag.com

About Admin (12256 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: