Wararka

Jabuuti ayaa sheegtay in ay dhaxdhaxaadin ka geli doonto dagaalka Itoobiya haddii loo baahdo…


Dowladda Jabuuti ayaa sheegtay in ay dhaxdhaxaadin ka gali doonto sidii loo soo afjari lahaa dagaalka Itoobia ka socda haddii loo baahdo.

Jabuuti ayaa warkan soo saartay kadib kulan dhaxmaray Madaxweyne Ismaaciil Cumar Geelle iyo la taliyaha gaarka ah ee Ra’iisul Wasaaraha Itoobiya oo lagu Magacaabo Mr Guido Andargachou, kuwaa oo ka wada hadlay dirirta ka socota gobolka Tigreyga oo hadda u muuqata mid ku sii fideysa gobolka oo idil.

War ka soo baxay Wasaarrada Arimaha Dibadda Jabuuti ayaa lagu sheegay in Jabuuti ay si buuxda u taageereyso midnimada iyo wadajirka dhuleed ee Jamhuuriyadda Federaalka iyo Jamhuuriyadda Dimoqraadiga ee Itoobiya.

Sidoo kale Jabuuti waxey xaqiijineysaa ayaa lagu yiri war-saxaafadeedka in xukuumadda Ra’iisul wasaare Abiy Ahmed Ali ay tahay tan kaliya ee dammaanad qaadaysa midnimada dhuleed ee Itoobiya.

Dhinaca kale, Jabuuti waxay ku baaqeysaa in si nabad ah lagu xaliyo dhibaatadan gudaha ka jirta ee Itoobiya iyadoo uu hogaaminayo mudane Abiy Ahmed, Ra’iisul wasaaraha Itoobiya.

Ugu dambeyntiina, Jabuuti waxay muujisay inay diyaar u tahay inay taageerto, haddii loo baahdo, dadaallo loogu talagalay in lagu xalliyo xasilloonida dhibaatadan.

Shabakada Wararka, hagaag.com info@hagaag.com

About Admin (12233 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: