Wararka

MW hore ee Somalia ayaa ku sheegay in milkiilaha dowlada hadda jirta uu yahay Fahad..


Madaxweynihii hore ee Soomaaliya Xassan Sheekh Maxmuud oo ka qeybgalay Barnaamij dood wadaag ah oo su’aalo lagu weydiinayay ayaa sheegay in milkiilaha dowladda hadda jirta uu yahay Fahad Yaasiin oo ah Taliyaha Nabad-sugida Qaranka.

Wuxuu ku eedeeyay in uu waddo sida uu hadalka u dhigay burburin siyaasadeed isaga oo yiri” Fahad Yaasiin markii hore wuxuu la wareegay Madaxtooyada, balse waa la ogaa sida uu ka yeelay, sidoo kalena Ciidamada Nabad-sugida ayuu burburiyay, haddana wuxuu rabaa in uu siyaasadda dalka burburiyo.

Xassan Sheekh ayaa intaa ku daray in shirarka u socda siyaasiyiinta mucaaradka yihiin kuwo salka ku haya sidii looga hortagi lahaa qorshaha madaxtooyada ee ah in Askarta dowladda laga dhigo guddiyo doorasho.

Taliyaha Hay’adda Nabad-sugida Qaranka Fahad Yaasiin oo horay u soo noqday Wariye ka tirsanaa TVga Al-Jazeera ayaa ah shaqsiga ugu hadal heynta badan marka la eego guud ahaan mas’uuliyiinta dowladda, waana shaqsiga eedeymaha ugu badan ee guddiyada doorashada loo jeedinayo, hase ahaatee dhankiisa ma jirto wax jawaab ah oo uu ka bixiyay dhamaan eedeymahan.

Shabakada Wararka, hagaag.com info@hagaag.com

About Admin (12225 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: