Wararka

Shariif: M/weyne haddaan ku dhahnay doorashada dhexda noo soo dhig dagaal miyaa?…


Madaxweynihii hore ee Soomaaliya, Shariif Sheikh Axmed kana mid ah murashixiinta u sharraxan xilka madaxweynaha Soomaaliya ayaa maanta isagoo ka hadlayay shirka murashixiinta, wuxuu madaxweyne Farmaajo ugu baaqay inuu doorashada ka dhigo mid dhexda u taala murashixiinta oo idil.

Sheikh Shariif ayaa sheegay isagoo ku hadlayay afka murashixiinta in ay madaxweynaha ka cafiyeen wax walba oo ay dowladda u geysatay siduu hadalka u dhigay, balse taas bedelkeed wuxuu tilmaamay in ay doonayaan in madaxweynaha doorashada ka dhigo mid loo siman yahay.

“Madaxweyne haddaan ku dhahnay doorashada dhexda noo soo dhig, dagaal miyaa? Tabeelaahaaga miyaa la burburiyay labadii jeer ee aad musharaxa ahayd,” ayuu yiri Shariif.

Si kastaba ha ahaatee, war murtiyeedkii maanta kasoo baxay shirkii murashixiinta ayaa waxaa qeyb ka ahaa in uu xilka baneeyo taliyaha nabad sugida Fahad Yaasiin.

Shabakada Wararka, hagaag.com info@hagaag.com

About Admin (12856 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: