Wararka

Kenya ayaa sheegtay in ay ka xun tahay tallaabada Somalia dalkeeda uga saartay safiirka…


Dowladda Kenya ayaa war ka soo saartay go’aankii dowladda Soomaaliya ay dalkeeda uga saartay safiirkii Kenya Lucas Tumbo oo lagu amray in uu dalkiisa dib ugu laabto.

Macharia Kamau xoghayaha joogtada ah ee Wasaarradda Arrimaha Dibadda ayaa sheegay in Kenya si weyn uga xun tahay tallaabada Soomaaliya ay dalkeeda uga saartay safiirkii Kenya, isaga oo sheegay in Kenya dib u eegis ku sameyn doonto arrintan si xal looga gaaro.

Kamau ayaa yiri” waxaa qaadi doonaa talaabo kasta oo lagu xaqiijinayo wanaajinta xiriirka diblomaasiyadeed ee labada dal”

Sanadihii ugu danbeeyay waxaa xumaa xiriirka labada dowladood Soomaaliya iyo Kenya, iyadoo dowladda Soomaaliya ay ku eedeysay Kenya fara-galin arrimaha gudaha ah gaar ahaan deegaannada Jubbaland oo Kenya ay ka joogaan ciidamada qeybta ka ah howlgalka Midowga Africa AMISOM.

Shabakada Wararka, hagaag.com info@hagaag.com

About Admin (12858 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: