Isku aadka wareega 16ka UEFA Champions League ayaa la sameeyay waxaan lagu arkay isku aad cajiib ah si loo bilaabo tartanka knockout.

Seddex koox oo Premier League ah oo u soo baxay tartanka ayaa seddaxdooda waxay ku aadeen kooxo adag.

Manchester City ayaa wajihi doonta Borussia Moncehngladbach, halka Liverpool ay la ciyaari doonto RB Leipzig halka Chelsea ay la kulmi doonto Atletico Madrid.

Labada kooxood ee Chelsea iyo Liverpool ayaa ku aaday kooxo adag, halka Man City ay ku faraxsan tahay kooxda lagu soo aadiyey. Barcelona v PSG ayaa ah isku dhaca ugu weyn, madaama Real Madrid, Bayern Munich, Borussia Dortmund iyo Juventus ay u muuqdaan inay ku aadeen kooxo la is leeyahay wey maquunin karaan inkastoo kubbada cagta aan la isku haleyn karin.

Lugta hore ee ciyaarahan waxaa la ciyaari doonaa Febraayo 16-17 iyo 23-24, halka lugta labaad la ciyaari doono 9-10 iyo 16-17 Maarso.

Isku aadka Champions League wareega 16ka
Borussia Monchengladbach v Manchester City

Lazio v Bayern Munich

Atletico Madrid v Chelsea

RB Leipzig v Liverpool

FC Porto v Juventus

Barcelona v Paris Saint-Germain

Sevilla v Borussia Dortmund

Atalanta v Real Madrid

Shabakada Wararka, hagaag.com info@hagaag.com