Wararka

Cabdirashiid Janan ayaa diiday eedeyn uga timid dowladda Somalia inuu hogaaminayo…


Wasiirka Amniga Dowlad Gobolleedka Jubbaland Cabdirashiid xasan Cabdinuur Janan ayaa waxba kama jiraan ku tilmaamay eedeyn uga timid dowladda Soomaaliya oo sheegtay in maleeshiyaad uu hoggaaminayo lagu tababarayo degmada Mandera ee dalka Kenya.

Wasiirka Wasaarradda Warfaafinta Xukuumadda Soomaaliya Cismaan Dubbe ayaa ku eedeeyay dowladda Kenya in ay tababar ku waddo sida uu hadalka u dhiggay maleeshiyaad uu hoggaaminayo Cabdirashiid Janan kuwaa oo doonaya in ay weerar ku soo qaadaan qeybo ka mid ah gobolka Gedo gaar ahaan degmada Beled-Xaawo.

Cabdirashiid Janan ayaa waxba kama jiraan ku sheegay eedeynta uga timid dowladda Soomaaliya ee ah in uu maleeshiyaad ku uruursanayo degmada Mandera ee dalka Kenya.

Janan ayaa arrintaasi ku gacan seyray waxa uuna sheegay in uu joogo duleedka magaalada Beled-Xaawo ee gobolka Gedo isla markaana uu halkaasi u joogo sidii uu u difaaci lahaa danta dadka danyarta ah ee uu sheegay in gobolka Gedo ay dowladda federaalka ah ku dhibaataynayso.

Dowladda Soomaaliya ayaa dhawaan xiriirka u jartay dowladda Kenya oo ku eedeysay in ay fara-galin ba’an ku heyso arrimaha gudaha Soomaalia, laakiin Kenya wey iska diiday eedeyntaas.

Shabakada Wararka, hagaag.com info@hagaag.com

About Admin (12915 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: