Wararka

Muuse Biixi ayaa u ambabaxay dalka Jabuuti isagoo martiqaad rasmi ah ka helay…


Madaxweynaha Maamulka Somaliland Muuse Biixi Cabdi ayaa goor dhaw oo maanta ah u anbaxay dalka Jabuuti, waxaana safarkiisan ku wehlinaya Wasiirka arrimaha Dibadda Yaasiin Xaaji Faratoon.

Madaxweyne Biixi ayaa la sheegay in uu marti-qaad rasmi ah ka helay madaxweynaha dalka Jabuuti Ismaaciil Cumar Geelle

Dhawaan dalka Jabuuti waxaa lagu soo gabagabeeyay shirkii Urur gobolleedka IGAD oo qoddobadii looga wada hadley uu qeyb ka ahaa khilaafka u dhaxeeya labada dowladood Kenya iyo Soomaaliya.

Mudada uu halkaa jooga madaxweyne Biixi waxaa uu kulamo kala duwan la qaadan doonaa madaxda dalka Jabuuti oo uu ugu horreeyo madaxweyne Ismaaciil Cumar Geelle oo ay ka wada hadli doonaan arrimo dhowr.

Dhawaan ayey aheyd markii wafdi uu horkacayay madaxweynaha Somaliland si heer sare ah loogu soo dhaweeyay magaalada Nairobi ee dalka Kenya, halkaasoo uu kulamo kula qaatay madaxweynaha dalkaasi Kenya Uhuru Kenyatta.

Shabakada Wararka, hagaag.com info@hagaag.com

About Admin (12802 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: