Wararka

Nancy Pelosi ayaa ku guuleysatay xilka Afhayeenka Aqalka Wakiilada ee dalka Mareykanka…


Nancy Pelosi ayaa mar kale qabsatay warbaahinta dunida kadib markii ay ku guuleysatay xilka Afhayeenka Aqalka Wakiillada. Waxay noqoneysaa markii afaraad ee ay xilkan ku guuleysato, waxayna bog cusub u fureysaa xirfaddeeda siyaasadeed ee ay muddada ku dhow 50-ka sano ku soo dhex jirtay iyadoo ka tirsan xisbiga Dimuqraaddiga, hase ahaatee caqabad ayaa hortaagan.

Iyadoo Kamala Harris lagu wado inay noqoto haweeneydii ugu horreysay ee madaxweyne ku xigeen ka noqota Mareykanka, Pelosi ma sii ahaan doonto haweeneyda ugu awoodda badan siyaasadda Mareykanka.

Balse haweeneydan 80-sano jirka ah, ayaa door muhiim ah ka cayaari doonta horumarinta ajandaha madaxweynaha cusub.

Taasi waxay la micno tahay inaysan wax waqti ah u heli doonin inay ku sii dhegganaato niyad jabkii ay kala kulantay doorashadii November – waxaa yaraaday kuraastii uu xisbigeedu ku lahaa aqalka hoose, si dirqi ah ayaana loogu doortay afhayeenka, kadib markii ay xisbiga ka baxeen dhowr xubnood oo Dimuqraaddiga ka tirsanaa.

Taas beddelkeed, muddo-xileedkeeda soo socda wuxuu ka tarjumi doonaa awoodda ay u yeelato joogteynta midnimada xisbiga iyo inaysan ka degin masraxa siyaasadda.

Shabakada Wararka, hagaag.com info@hagaag.com

About Admin (12776 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: