Wararka

Xarrakada Al-Shabaab ayaa sheegtay in 4 askari ay ku dhimatay weerarkii deegaanka Tixsiile…


Xarrakada Al-Shabaab ayaa war ka soo saartay weerar xoogan oo deegaanka Tixsiile lagula eegtay kolonyo gaadiid ah oo uu la socday guddoomiyaha gobolka Shabeellaha Hoose Cabdiqaadir Maxamed Nuur Sidii iyo saraakiil ciidan

Al-Shabaab ayaa sheegtay in kolonyada uu la socday guddoomiyaha sidoo kale ay qeyb ka ahaayeen ciidamada lagu magacaabo Bangaraafta ee uu tababaro Mareykanka.

Weerarkan oo ku bilawday qarax miino ayey sheegeen uu haleelay gaari nooca Cabdi Bilaha ah oo ay ku geeriyoodeen 4 Askari, halka sidoo kalana uu weerarkan ku dhaawacmay ayey sheegeen taliyaha ciidanka Danab sarkaalka lagu magacaabo Cabdullaahi Beer Yare oo safarka ku wehlinayay guddoomiyaha.

Wararka ayaa intaas ku daraya in saraakiisha dhaawacmay uu ka mid yahay taliyaha guutada 6aad ee ciidamada dowladda Federaalka.

Ma jiro ilaa iyo hadda wax war ah oo ka soo baxay dhinaca dowladda Soomaaliya oo la xiriira weerarkan ka dhacay gobolka Shabeellaha Hoose.

Shabakada Wararka, hagaag.com info@hagaag.com

About Admin (13242 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: