Wararka

Ciidamada Militariga ee dalka Myanmar ayaa la sheegayaa in ay la wareegeen talada dalka…

FILE - In this May 6, 2016, file photo, Aung San Suu Kyi, left, Myanmar's foreign minister, walks with senior General Min Aung Hlaing, right, Myanmar military's commander-in-chief, in Naypyitaw, Myanmar. Myanmar military television said Monday, Feb. 1, 2021 that the military was taking control of the country for one year, while reports said many of the country’s senior politicians including Suu Kyi had been detained. (AP Photo/Aung Shine Oo, File)

Wararka ka imanaya dalka Myanmar oo hore loo oran jirey Burma ayaa sheegaya in ciidamada Milatariga ay la wareegeen talada dalkaas.

Sarkaal u hadlay Milatariga ayaa sheegay in ciidamada ay xukunka hayn doonaan muddo sanad ah. Hoggaamiyaha xisbiga haya talada dalka Myanmar ee National League for Democracy (NLD) Aung San Suu Kyi, ayaa la xiray, sida uu sheegay afhayeen u hadlay xisbiga.

Afhayeenka xisbiga NLD, Myo Nyunt, ayaa wakaaladda wararka ee Reuters khadka telefoonka ugu sheegay, in Ms Suu Kyi, madaxweyne Win Myint iyo hogaamiyeyaal kale la qabtay, aroornimadii hore ee saaka.

Afgambigan ayaa yimid kadib muran ka dhashay doorashadii ka dhacday dalka Myanmar bishii November ee sanadkii hore.

Xisbiga NLD, ayaa kuraasta baarlamaanka dalkaas ka helay in ku filan, si uu u soo dhiso xukuumadda bisha November, balse ciidamada ayaa sheegay in codeyntaas ay ahayd mid la musuqmaasuqay.

Ciidanka ayaa dowladda ugu baaqay in ay dib u dhigto kalfadhiga baarlmaanka oo lagu waday in uu qabsoomo maalinta Isniinta.

Shabakada Wararka, hagaag.com info@hagaag.com

About Admin (13242 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: