Wararka

Nin lagu tuhunsan yahay inuu ka tirsan yahay al-Shabaab ayaa lagu xiray magaalada Ankara ee…


Wararka ka imanaya dalka Turkiga ayaa sheegaya in qof lagu tuhunsan yahay in uu ka tirsan yahay Al-Shabaab maanta oo Arbaco ah lagu xiray magaalada Ankara ee caasimadda dalka Turkiga.

Sida ay shaacisay Wakaaladda Wararka ee Anadolu, oo soo xigatay ilo wareedyo amni ruuxa la qabtay oo la ogaaday in uu ka howl-gali jiray Kenya, ayaa lagu qabtay howl-gal ay iska kaashadeen booliska Turkiga iyo hay’adda sirdoonka dalkaas (MIT).

Tallaabadan ayaa timid kadib markii warqad lagu soo xirayo qofkaas laga soo qaatay maxkamadda. La tuhunsanaha ayaa heysta dhalashada dalalka Jarmarlka iyo Talyaaniga, waxaana magaciisa lagu soo koobay A.B. oo kaliya.

Al-Shabaab oo fadhigeedu yahay Soomaaliya ayaa ah urur gacan saar la leh shabakadda Al-Qaacidda, waxayna weerarro badan ka fuliyeen Soomaaliya iyo dalal kale oo daris la ah, sida Kenya oo xad la wadaagta Soomaaliya.

Shabakada Wararka, hagaag.com info@hagaag.com

About Admin (13840 Articles)
Wararka Somalia iyo kuwa caalamka ayaan idinka haqab tireynaa.
<span>%d</span> bloggers like this: