Wararka

Madasha Badbaado Qaran ayaa soo saaray warqad furan oo ka dhan ah Madaxweyne Farmaajo…


Madasha Badbaado Qaran oo maalmo ka hor looga dhawaaqay magaalada Muqdisho, kuna mideysan yihiin Madaxweynayaasha Puntland, Jubbaland, Midowga Musharaxiinta iyo Guddoomiyaha Aqalka Sare oo hoggaaminaya Siyaasiyiinta Gobolada Waqooyi ayaa soo saaray warqad furan ka dhan ah Madaxweyne Farmaajo.

Warqadan oo ay u qoreen Beesha Caalamka, sida Xoghayaha Guud ee Qaramada Midoobey, Xoghayaha Arrimaha Dibadda Mareykanka, UK, Midowga Afrika, Ururada Caalamka ayaa waxay sheegeen in Madaxweyne Farmaajo ay sharciyada ka dhamaatay, isla markaana uu awoodda ciidan u adeegsanayo dano shaqsi ah.

Qoraalka oo ku qoran luuqada Engilish-ka ayaa waxaa lagu sheegay in Farmaajo aanu laheyn sharciyad uu shir isugu yeero, iyagoo soo jeediyay in shirka la ballaariyo oo saamileydu ka qeyb gasho, iyo inuu amniga doorashooyinka wareejiyo.

“Madasha Badbaadada Qaranka waxay bogaadineysaa dadaalka wada-hawlgalayaasha Caalamiga ah ee looga sii gudbayo qalalaasaha siyaasadeed ee hadda jira oo ay abuureen doorashooyinka daba dheeraaday. waxay si kal iyo laab ah u soo dhaweynaysaa hadalkii Xoghayaha arimaha dibada Mareykanka ee fikirka iyo dagdaga ah ee doorashada Somalia & daneeyeyaasha muhiimka ah ee geeddi-socodka siyaasadeed ee Soomaaliya, waxaana la wadaagnaa dareen isku mid ah oo deg-deg ah oo loogu gudbayo doorashooyinka”ayaa lagu yiri qoraalka.

Waxaa ay sheegeen in Madaxweynaha muddo xileedkiisa dhamaaday Maxamed C/llaahi Farmaajo uu ku guuldareystay inuu hoggaamiyo hannaan doorasho oo ku saleysan is afgarad sharci ah iyo cadaalad loo dhan ah oo ah mas’uuliyada ugu dambeysa ee Madaxweyne kasta, ayna tahay aas aaska amniga iyo horumarka mustaqbalka dalka.

Madasha Badbaado Qaran ayaa sheegay in Farmaajo uu wiiqay dadaal kasta oo wanaagsan oo xal lagu gaari lahaa, isagoo ka soo tagay miiska wada hadalka shirkii Dhuusamareeb 4.

Waxaa kaloo ay ku eedeeyeen inuu qalqal amni uu ka abuurayo Gobolka Gedo, isla markaana saacadihii la soo dhaafay uu ku daad-gureeyay ciidamo, taasoo ay sheegeen inay meesha ka saareyso heshiiskii Guddiga farsamada ee Baydhabo.

Shabakada Wararka, hagaag.com info@hagaag.com

About Admin (14071 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: