Wararka

RW Abiy ayaa markii ugu horeysay qiray in ciidamo ka socda Eritrea ay gudaha u galeen gobolka…

FILE PHOTO: Ethiopia's Prime Minister Abiy Ahmed speaks during a question and answer session with lawmakers in Addis Ababa, Ethiopia, November 30, 2020. REUTERS/Tiksa Negeri

Ra’isul Wasaaraha Ethiopia Abiy Ahmed ayaa Talaadadi marki ugu horreysay xaqiijiyay, in ciidamo ka socda dalka deriska la ah ee Eritrea gudaha u galeen gobolka Tigray, inti lagu guda jiray dagaalkii sokeeye ee gobolkaasi ka socday.

Kadib muddo bilooyin ah oo ay dowladda Itoobiya ka meer-meeraysay qirashada ah in ay ciidanka Eritrea joogaan gobolka Tigray, ayuu shalay Abiy Ahmed u sheegay baarlamaanka Itoobiya, in sababta ciidanka xukumadda Asmara ay uga soo tallaabeen xadka ay tahay, cabsi ay ka qabeen weerar uga yimaada dhanka jabhadda TPLF.

Ciidanka TPLF ee u dagaallama xorriyadda gobolka Tigray ayaa dhowr jeer madaafiic ku garaacay Eritrea tan iyo inti ay waqooyiga Itoobiya ka billowdeen colaadda sokeeye.

Abiy ayaa sidoo kale marki ugu horreysay qiray, in ay dhaceen gabood-fallo ay ka mid yihiin kufsi intii uu socday dagaalka gobolka Tigrayda, isaga oo ballan-qaaday in la ciqaabi doono kuwi falkaasi ka danbeeyay.

Colaadda ka taagan gobolka Tigray ayaa billaabatay 4-ti bishii November ee sannadki hore, kadib marki ciidamo daacad u ah jabhadda (TPLF) oo horay uga tirsanaa ciidanka dowladda ay weerareen, saldhig millatari oo ay ciidanka dowladda federaalka Itoobiya ku lahaayeen gobolka Tigray.

Shabakada Wararka, hagaag.com info@hagaag.com

About Admin (13722 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: