Wararka

AUN Cumar Barajab oo ka mid ahaa xiddigihii kubbada koleyga Somalia ayaa ku geeriyooday…


Waxaa dalka Isutagga Imaaraadka Carabta ku geeriyooday maanta allaha u naxariistee Cumar Cabdulqaadir Barajab oo ka mid ahaa xiddigihii kubbadda kolayga ee dalka Soomaaliya.

Cumar wuxuu ka dhashay qoys xiiseeya ciyaaraha aabihiis Cabdulqaadir oo ciyaaraha fudud aad u jeclaa.

Horraantii 1970-yadii Cumar oo ahaa wiil yar ayaa kubbadda koleyga ka bilaabay degmada Shibis ee magaalada Muqdisho.

Intii uu weli ku jiray waxbarashada dugsiga sare, wuxuu bilaabay inuu u ciyaaro LLPP Jeenyo, oo ka mid ahaa naadiyada heerka koowaad ee kubbada kolayga.

Cumar Barajab waxaa uu ka mid noqday Xulka Qaranka Soomaaliya ee 1981 isagoo sanado badan u saftay xulka qaranka.

Cumar wuxuu si joogto ah uga dhex muuqday kubbadda koleyga Soomaaliyeed 1980-yadii. Intii uu kabtanka u ahaa xulka qaranka ee ragga, Barajab wuxuu kaloo tababare u noqday xulka qaranka ee gabdhaha.

Ka dib burburkii dowladdii dhexe ee Soomaaliya 1991, Cumar wuxuu u guuray Imaaraadka, halkaas oo uu ka sii waday ku lug lahaanshihiisa kubbadda Koleyga. Wuxuu ku biiray Ciidanka Booliska ee Dubai isaga oo ah tababare, wuxuuna sii waday inuu si xirfad leh u tababaro kubbadda koleyga.

Cumar wuxuu ahaa tababare FIBA ​​oo la aqoonsan yahay – oo ka mid ah kuwa ku yar Afrika waxana uu u qabtay xarumo tababar macallimiin kale.

Shabakada Wararka, hagaag.com info@hagaag.com

About Admin (14268 Articles)
Wararka Somalia iyo kuwa caalamka ayaan idinka haqab tireynaa.
%d bloggers like this: